தமிழகத்தில் புதிதாக கொரோனாவால் பாதிக்கப்பட்டவர்கள் குறித்த தகவலை
தினமும் சுகாதாரத்துறை தெரிவித்து வரும் நிலையில் சற்றுமுன் சுகாதாரத்துறை
வெளியிட்ட தகவலின்படி இன்று தமிழகத்தில் 434 பேர்களுக்கு கொரோனா தொற்று
பரவி இருப்பதாக அறிவிக்கப்பட்டுள்ளது. இதனையடுத்து தமிழகத்தில் கொரோனா
பாதிப்பு உள்ளவர்களின் மொத்த எண்ணிக்கை 10018ஆக உயர்ந்துள்ளது என்பது
குறிப்பிடத்தக்கது
மேலும் இன்று கொரோனாவால் பாதிப்பு அடைந்த 434
பேர்களில் சென்னையில் மட்டும் 309 பேர்கள் கொரோனாவால் பாதிக்கப்பட்டவர்கள்
என்றும் இதனையடுத்து சென்னையில் கொரோனா பாதிப்பு அடைந்தவர்களின் மொத்த
எண்ணிக்கை 5946ஆக உயர்ந்துள்ளது என்பதும் குறிப்பிடத்தக்கது
மேலும் தமிழகத்தில் இன்று கொரோனாவுக்கு 5 பேர் பலியாகியுள்ளதை அடுத்து
தமிழகத்தில் பலி எண்ணிக்கை 71 ஆக உயர்ந்துள்ளது என்பதும், தமிழகத்தில்
இன்று மட்டும் 10,883 பேர்களுக்கு கொரோனா பரிசோதனை செய்யப்பட்டதாகவும்
சுகாதாரத்துறை அமைச்சர் விஜயபாஸ்க தெரிவித்துள்ளார்.
தமிழகத்தில் மொத்தம் 290,906 பேர்களுக்கு கொரோனா பரிசோதனை செய்யப்பட்டுள்ளது.
மேலும் தமிழகத்தில் இன்று 359 பேர் கொரோனாவில் இருந்து குணமாகியுள்ளனர்.
இதனையடுத்து கொரோனாவில் இருந்து தமிழகத்தில் மொத்தம் குணமாகியவர்களின்
எண்ணிக்கை 2599 பேர்கள் என்பது குறிப்பிடத்தக்கது.
No comments:
Post a Comment