இலங்கை அதிபர் தேர்தல் வாக்கு எண்ணிக்கை தொடங்கியது! நள்ளிரவில் முடிவு தெரிந்துவிடும்!

இலங்கை அதிபர் தேர்தல் வாக்கு எண்ணிக்கை தொடங்கி உள்ளது. இதன் முடிவுகள்  நள்ளிரவில் தெரிந்துவிடும்.

இலங்கை அதிபர் தேர்தல் இன்று (வியாழன்) நடந்தது. இதில் ராஜபக்சே மீண்டும் அதிபராக போட்டியிட்டார். எதிர்க்கட்சிகளின் பொதுவேட்பாளராக மைத்திரி பால சிறிசேனா போட்டியிட்டார். வாக்குப்பதிவு காலை 7 மணிக்கு தொடங்கி மாலை 4 மணிக்கு முடிவடைந்தது. 

யாழ் மாவட்டத்தில் 59, வவுனியா 70 , கம்பஹா 60, நுவரெலியா 70, மாத்தளை 72, கொழும்பு 76, அனுராதபுரம் 76, முல்லைத்தீவு 68, திரிகோணமலை 60 சதவீதம் வாக்குகள் பதிவானது. 

இரவு 7 மணிக்கு தபால் வாக்குகள் எண்ணும் பணி தொடங்கியது. 10 மணிக்கு அதன் முடிவுகள் தெரிய வரும். தொடர்ந்து வாக்கு எண்ணிக்கை நடைபெறுவதால், நள்ளிரவிலேயே முடிவுகள் வெளியாகும்.