முரண்பாடு

அகமொன்றும் புறமொன்றும்
அநீதிக்கு வழி வகுக்கும்
ஆன்மாவின் சொல்லிதுவே
ஆங்காங்கே ஒலிக்கட்டும்

முரண்பட்ட வார்த்தைகளே
முர்ப்புதறாய் முளைத்து விட்டால்
கறை பட்டு குறை பட்டு
கண்ணீரில் துயர் நனையும்

முரண்பட்ட வாழ்க்கையிலே
முழு ப்பொழுதும் கழித்து விட்டால்
இளமையினை பாழ்படுத்தி
இன்னல்பலச் சுமப்பாய் நீ

மனிதனவன் முரண்பட்டால்
மதியுடனே போரிடுவான்
மனதிலே தெளிவு பெற்றால்
புனிதனாகி ப்புகழடைவான்

இயற்கைகள் முரண்பட்டால்
ஈடில்லா இழப்பெய்வோம்

இல்வாழ்வு முரண்பட்டால்
இன்பங்கள் இழந்து நிற்ப்போம்

சிந்தனைகள் முரண்பட்டால்
சீர்திருத்தம் சிதைந்து விடும்

சிலநொடியின் முரண் பாட்டால்
பல நினைவும் கனவாகும்

சொல்வாக்கு முரண்பட்டால்
செல்வாக்கு குறைந்து விடும்

வாழ்க்கைதனில் முரண்பட்டால்
வாலிபத்தை வஞ்சிப்பதாகும்

படைத்தவன் முரண்பட்டால்
இப்பாருலகே அழிந்து போகும்

மனிதனவன் முரண்படவே
பினியதனை பிடித்து நிற்பான்

மதியுடனே நீ நடந்தால்
விதி கூட முரண்படுமாம்

அதிரை மெய்சா 

குறிப்பு : இந்தக் கவிதை கடந்த [ 01-08-2013 ] அன்று இலண்டன் தமிழ் வானொலியின் கவிதை நேரம் நிகழ்ச்சியில் ஒலிப்பரப்புச் செய்யப்பட்டது. இதோ அதன் காணொளி...