அமீரகத்தில் நேற்று [ 05.07.2013 ] வெள்ளிக்கிழமை அன்று இரவு 7.30 மணியளவில் தாஜுல் இஸ்லாம் இளைஞர் சங்கத்தின் [ TIYA ] பொதுக்குழுக்கூட்டம், TIYA வின் தலைவர் N. முகமது மாலிக் அவர்களின் தலைமையிலும் மற்றும் ஏனைய நிர்வாகிகளின் முன்னிலையில் இனிதே துவங்கியது.
தாஜுல் இஸ்லாம் சங்கம் தலைமை நிர்வாகிகளிடமிருந்து அமீரக தாஜுல் இஸ்லாம் இளைஞர் சங்கத்திற்க்கு வந்த கோரிக்கை அடங்கிய கடிதம் இப்பொதுக்குழுவில் எடுத்துக்கொண்டு விவாதிக்கப்பட்டது.
அதன்படி,
1. நமது பாக்கியத்துஸ் ஸாலிஹாத் பள்ளியில் இடப்பற்றாக்குறையை நிவர்த்தி செய்யும் வகையில் குறிப்பாக தொழுகை மற்றும் திங்கள் தோறும மவ்லவி ஹைதர் அலி அவர்களால் நடைபெற்று வரும் பெண்களுக்கான மார்க்க விளக்க கூட்டத்திற்கு போதுமான இட வசதியை ஏற்படுத்தும் விதமாக பள்ளியின் மேல் பகுதியில் கூரை அமைப்பது என பள்ளியின் நிர்வாகத்தால் முடிவு செய்யப்பட்டு அதற்குரிய செலவீனங்களின் குறிப்பிட்ட பகுதியை தாஜுல் இஸ்லாம் சங்கம் தலைமையகமும் மற்றும் அமீரக தாஜுல் இஸ்லாம் இளைஞர் சங்கமும் இணைந்து பகிர்ந்துகொள்ள வேண்டும் என்ற கோரிக்கை வைக்கப்பட்டது.
இக்கோரிக்கையை பொதுக்குழுவில் ஏற்றுக்கொண்டு நமது பாக்கியத்துஸ் ஸாலிஹாத் பள்ளியின் நிர்வாகத்தால் நிர்ணயிக்கபட்ட தொகையை மஹல்லாவாசிகளிடம் வசூல் செய்து அனுப்பி வைப்பது என முடிவு செய்யப்பட்டது.
2. நமது மஹல்லாவைச் சார்ந்த ஏழைக் குடும்பத்திற்கு புதிய வீடு கட்டிக் கொடுப்பதற்காக TIYA வின் பங்களிப்போடு சகோ. சிவப்பு தொப்பி சாகுல் ஹமீத் அவர்களின் பெரும் முயற்சியால் வசூல் செய்யப்பட்ட தொகை ரூபாய்95,750/- த்தை தாயக தாஜுல் இஸ்லாம் சங்கத்திற்கு அனுப்பி வைக்கப்பட்டது. கட்டப்பட்ட வீட்டின் சில பணிகள் பாக்கி உள்ளதால், மீதமுள்ள பணிகளுக்குரிய தொகையை TIYA வின் பங்களிப்போடு மீண்டும் வசூல் செய்ய சகோ. சிவப்பு தொப்பி சாகுல் ஹமீத் அவர்களிடம் பொறுப்பை ஒப்படைப்பது என முடிவு செய்யப்பட்டது.
3. TIYA வின் சார்பாக எதிர்வரும் ரமலான் மாதத்தின் ஏதாவது ஒரு தினத்தில் இப்தார் நிகழ்ச்சிக்கு ஏற்பாடு செய்வது என்றும், அதில் அமீரகத்தில் உள்ள நமது மஹல்லாவாசிகள் அனைவரையும் சந்திக்க ஏற்பாடு செய்வது என்று முடிவு செய்யப்பட்டது. மேலும் இவற்றை செயல்படுத்துவது தொடர்பாக நிர்வாகக்குழுவும், ஆலோசனைக்குழுவும் ஒன்றிணைந்து ஆலோசிப்பது என முடிவு செய்யப்பட்டது.
4. அமீரகத்தில் ஏழ்மை நிலையில் இருக்கும் நமது மஹல்லாவாசிகளின் நலன் கருதி வட்டியில்ல கடன் திட்டத்தை இந்த ஆண்டு முதல் அமீரகத்தில் தொடங்குவது என்று முடிவு செய்யப்பட்டது.
5. ரமலான் மாத பித்ரா வசூலை முன்கூட்டியே வசூல் செய்து அவற்றை ஏழ்மை நிலையில் இருக்கும் குடும்பங்களுக்கு முறையாக விநியோகிப்பது என்றும் முடிவு செய்யப்பட்டது.
6. பொதுக்குழுக் கூட்டம் துஆவுடன் இனிதே நிறைவுற்றது.
என்றும் அன்புடன்,
அமீரக TIYA நிர்வாகம்
துபை
asslamu alaikum
ReplyDeleteuseless தீர்மானங்கள் all. there is no any useful new activities for adirai west street poor family's. please first strong your tiya team in west street ( headquarters home town ) then arrange your meeting in Dubai and get donation from adirai west people . plz don't keep the people funds in the bank locker. use it for useful things