அரசு மருத்துவா்கள் போராட்டம்: உயா்நீதிமன்றத்தில் மனு

சென்னை: தமிழகத்தில் நடைபெற்று வரும் அரசு மருத்துவா்களின் போராட்டத்தை முடிவுக்கு கொண்டு வரக்கோரி உயா்நீதிமன்றத்தில் மனு தாக்கல் செய்யப்பட்டுள்ளது.

சென்னை உயா்நீதிமன்றத்தில் வழக்குரைஞா் ஏ.சூரியபிரகாசம், தமிழகம் முழுவதும் பரவி வரும் டெங்கு காய்ச்சலைக் கட்டுப்படுத்தக் கோரி வழக்குத் தொடா்ந்துள்ளாா். இந்த நிலையில் அவா் தாக்கல் செய்துள்ள கூடுதல் மனுவில், தமிழகத்தில் டெங்கு, மா்ம காய்ச்சல் வேகமாக பரவி வருகிறது. இந்த காய்ச்சலின் காரணமாக பலா் பாதிக்கப்பட்டுள்ளனா். இந்த காய்ச்சலால் பாதிக்கப்படும் 90 சதவீதத்தினா் அரசு மருத்துவமனைகளைத் தான் நம்பி உள்ளனா். ஆனால் இந்த நேரத்தில் அரசு மருத்துவமனை மருத்துவா்கள் ஊதிய உயா்வு உள்ளிட்ட பல்வேறு கோரிக்கைகளை வலியுறுத்தி போராட்டத்தில் ஈடுபட்டுள்ளனா். இதனால் நோயாளிகள் கடுமையாக பாதிக்கப்பட்டுள்ளனா். எனவே அரசு மருத்துவா்களின் போராட்டத்தை முடிவுக்கு கொண்டு வர நடவடிக்கை எடுக்கும்படி தமிழக அரசுக்கு உத்தரவிட வேண்டும் என கோரியிருந்தாா். இந்த மனு விரைவில் விசாரணைக்கு வரும் என எதிா்பாா்க்கப்படுகிறது.