கொளத்தூர் சட்டசபை தொகுதியில் திமுக சார்பில் போட்டியிடும் அக்கட்சியின் பொருளாளர் மு.க. ஸ்டாலினுக்கு பெருவாரியான மக்கள் ஆதரவு தெரிவித்துள்ளாத நியூஸ் 7 - தினமலர் கருத்துக்கணிப்பு கூறுகின்றது. முதல் முறையாக கடந்த 2011-ல் தேர்தலை சந்தித்த கொளத்தூர் தொகுதியில் திமுக சார்பில் மு.க.ஸ்டாலின் போட்டியிட்டார். அவரை எதிர்த்து அதிமுக சார்பில் சைதை துரைசாமி களமிறக்கப்பட்டார். ஸ்டாலின் 68,677 வாக்குகள் பெற்று கொளத்தூர் தொகுதியின் முதல் எம்எல்ஏ என்ற பெருமையை பெற்றார். மிகக் குறைந்த வாக்குகள் வித்தியாசத்தில் வென்றாலும் மீண்டும் இங்கு போட்டியிடுகிறார் ஸ்டாலின்.
இந்நிலையில் தமிழக சட்டசபை தேர்தலையொட்டி நியூஸ் 7 மற்றும் தினமலர் இணைந்து கருத்துக் கணிப்பு ஒன்றை நடத்தியது. அதன் முடிவுகளை மண்டல வாரியாக தற்போது வெளியிட்டு வருகிறது. அந்த வகையில் இன்று வெளியான சென்னை மண்டலத்திற்குட்பட்ட கொளத்தூர் தொகுதியின் கருத்துக்கணிப்பு முடிவில் ஸ்டாலின் அதிக சதவீத வித்தியாசத்தில் வெற்றி பெறும் வாய்ப்புள்ளதாக தெரிவிக்கப்பட்டுள்ளது. இந்த தொகுதியில் திமுகவுக்கு 44.9 சதவீத ஆதரவு காணப்படுவதாக கருத்துக் கணிப்பு கூறுகிறது. அதிமுகவுக்கு 23.5 சதவீத ஆதரவு கிடைத்துள்ளது. அதேசமயம் தேமுதிக - ம.ந.கூட்டணிக்கு 9.8 சதவீத ஆதரவே கிடைத்துள்ளது. பாமவுக்கு 4.1 சதவீத ஆதரவே காண்ப்படுகிறது. இக்கட்சிக்கு 4வது இடமே கிடைத்துள்ளது.
No comments:
Post a Comment