விடுதலை சிறுத்தைகள் கட்சி தலைவர் திருமாவளவன் காட்டுமன்னார் கோவில் தொகுதியில் 3வது இடத்தையே பிடிக்க வாய்ப்புள்ளதாக நியூஸ் 7- தினமலர் கருத்துக் கணிப்பு தெரிவித்துள்ளது. நியூஸ் 7- தினமலர் நடத்திய கருத்துக் கணிப்பில் கடலூர் மாவட்டம் காட்டுமன்னார் கோவில் தொகுதியில் திமுகவுக்கு ஆதரவு இருப்பதாக தெரிவிக்கப்பட்டுள்ளது. இந்த தொகுதியில் தான் திருமாவளவன் போட்டியிடுகிறார்.
இதற்கு காரணம் கடந்த 3 முறை சிதம்பரம் பாராளுமன்ற தொகுதியில் திருமாவளவன் போட்டியிட்ட போது, காட்டுமன்னார்கோவில் தொகுதியில் தான் அதிக வாக்குகள் பெற்றுள்ளார். இந்நிலையில், காட்டுமன்னார் கோவிலில் தொகுதியில் மக்கள் ஆதரவு யாருக்கு என்ற கருத்துக்கணிப்பை நியூஸ் 7- தினமலர் வெளியிட்டுள்ளது. இதில் காட்டுமன்னார் கோவில் தொகுதியில் திமுகவுக்கு 37.2 சதவீத ஆதரவு காணப்படுவதாக கருத்துக் கணிப்பு கூறுகிறது. அதிமுகவுக்கு 21.4 சதவீத ஆதரவு கிடைத்துள்ளது. விசிகவுக்கு 19.5 ஆதரவே கிடைத்துள்ளது. இக்கட்சிக்கு 3வது இடமே கிடைத்துள்ளது. அதேசமயம் பாமக 12.8 சதவீத ஆதரவுடன் நான்காவது இடத்திற்குத் தள்ளப்பட்டுள்ளது.
No comments:
Post a Comment