அமைச்சர் பதவி: அன்புமணி விரக்தி!… விஜயகாந்த் அதிருப்தி!!

டெல்லி: மோடி அமைச்சரவையில் எப்படியும் அமர்ந்துவிடலாம் என்று எண்ணிக்கொண்டிருந்த பாமகவும், தேமுதிகவும் பதவி கிடைக்காத ஏமாற்றத்தில் இருப்பதாக தகவல்கள் வெளியாகியுள்ளன. நாட்டின் 15வது பிரதமராக நரேந்திரமோடி முடிசூடி விட்டார். அவருடன் 23 கேபினட் மந்திரிகள், தனிப் பொறுப்புடன் கூடிய 10 இணைஅமைச்சர்கள் 12 இணை அமைச்சர்கள் என்று 45 பேர் மோடி அமைச்சரவையை அலங்கரிக்கிறார்கள். மோடி பதவி ஏற்பு விழா உலகமே கவனித்தது. சார்க் நாட்டுத் தலைவர்களும், முக்கிய பிரமுகர்களும் வாழ்த்து சொல்ல திரண்டிருந்தனர். அதே சமயம் கூட்டணிக் கட்சியைச் சேர்ந்த சில அரசியல் கட்சிகள் அமைச்சர் பதவிக்காக காத்திருந்து ஏமாற்றத்துடன் திரும்பியது தெரியவந்துள்ளது.