ஜெயங்கொண்டம் தொகுதியில் பாமக சார்பில் போட்டியிடும் காடுவெட்டி குரு வெல்லும் வாய்ப்புள்ளதாகவும், அதேபோல் குன்னம் தொகுதியில் போட்டியிடும் வைத்திலிங்கம் வெற்றி பெறும் வாய்ப்புவுள்ளதாக நியூஸ் 7 - தினமலர் கருத்துக் கணிப்பு கூறியுள்ளது. ஜெயங்கொண்டம் தொகுதியில் பாமக சார்பில் மீண்டும் போட்டியிடுகிறார் காடுவெட்டி குரு. இந்நிலையில் இன்று வெளியான நியூஸ் 7 - தினமலர் கருத்துக்கணிப்பில், ஜெயங்கொண்டத்தில் குரு வெல்லும் வாய்ப்புள்ளதாக கூறுகின்றது. இங்கு அதிமுகவுக்கு 21.5 சதவீத ஆதரவு காணப்படுகிறது. அதேசமயம், திமுகவுக்கு 30.7 சதவீத ஆதரவு காணப்படுகிறது. தேமுதிகவுக்கு 5.0 சதவீத ஆதரவு கிடைத்துள்ளது. பாமகவுக்கு 32.7 சதவீத மக்கள் ஆதரவு தெரிவித்துள்ளதாக நியூஸ் 7 - தினமலர் கருத்துக் கணிப்பு கூறுகின்றது. மேலும், அரியலூர் மாவட்டம் குன்னம் சட்டசபை தொகுதியிலும் போட்டியிடும் வைத்திலிங்கம் வெல்லும் நிலை உள்ளதாக கருத்துக் கணிப்பு முடிவுகள் தெரிவிக்கின்றன. இங்கு அதிமுகவுக்கு 23.9 சதவீத ஆதரவு காணப்படுகிறது. திமுகவுக்கு 27.6 சதவீதமும், தேமுதிக - ம.ந.கூட்டணிக்கு 9.4 சதவீத ஆதரவு காணப்படுகிறது. அதேசமயம் பாமகவுக்கு 34.2 சதவீத ஆதரவு காணப்படுகிறது. ஏற்கனவே வெளியிடப்பட்ட கருத்துக்கணிப்பில் பென்னாகரம் தொகுதியில் பாமக முதல்வர் வேட்பாளர் அன்புமணி தோல்வி அடைவார் என கூறப்பட்டிருந்த நிலையில், தற்போது ஜெயங்கொண்டம், குன்னம் ஆகிய இரண்டு தொகுதியில் பாமக வெல்லும் வாய்ப்புள்ளதாக கருத்துக் கணிப்பு முடிவுகள் கூறுகின்றது.
No comments:
Post a Comment