சிங்கப்பூரில் வசித்து வந்த இந்திய பெண் ஒருவர் தனது முதலாளியை சுத்தியால் தாக்கிவிட்டு 14-வது மாடியிலிருந்து குதித்து தற்கொலை செய்துக்கொண்ட சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. இந்தியாவை சேர்ந்த பல்விந்தர் கவுர், ஒரு வீட்டில் பணிப்பெண்ணாக வேலை பார்த்து வந்தார். இவர் இரண்டு முறை வேலை பார்க்கும் வீட்டில் உள்ள பொருட்களை திருடியுள்ளார். இதனை அறிந்த முதலாளி, அவரை வேலையிலிருந்து அனுப்பி விட்டதாக தகவல்கள் தெரிவிக்கின்றன. சம்பவம் நடந்த அன்று தனது முதலாளியின் வீட்டுக்கு சென்று, தான் செய்த தவறுகளுக்காக மன்னிப்பு கேட்ட கவுர், தன்னை மீண்டும் வேலையில் சேர்த்துக்கொள்ளுமாறும் கேட்டுள்ளார். ஆனால் இருவருக்கும் இடையே கடும் வாக்குவாதம் நடைபெற்றுள்ளது. அப்போது தனது முதலாளியின் பேச்சால் ஆத்திரமடைந்த கவுர் சுத்தியலால் அவரது தலையில் தாக்கிவிட்டு, 14 ஆவது மாடியிலிருந்து கீழே குதித்து தற்கொலை செய்துக்கொண்டார். அங்குள்ள போலீஸார் இது தொடர்பாக வழக்கு பதிவு செய்து விசாரணை மேற்கொண்டு வருகின்றனர்
No comments:
Post a Comment