பட்டுக்கோட்டை, ஜூலை 29
தஞ்சாவூர் மாவட்டம், பட்டுக்கோட்டை, நேரு நகர், பூக்கொல்லையில் வசிப்பவர் ஷேக் அப்துல்லா. கஷாப் கடையில் ஊழியராக பணியாற்றி வருகிறார். இவருக்கு மகன்கள் முஹம்மது ரியாஸ் ( வயது 14 ), முஹம்மது ஆசிப் ( வயது 11 ), மகள் நபிலா ( வயது 6 ) உள்ளனர். இவர்கள் அனைவரும் பட்டுக்கோட்டை நகராட்சி நடுநிலைப்பள்ளியில் 9 ம், 6 ம், 1 ம் வகுப்பு பயின்று வருகிறார்கள். மிகவும் ஏழ்மையான நிலையில் வாடகை வீட்டில் தங்கிருந்து குடும்பம் நடத்தி வந்தார்.
இந்த நிலையில் முஹம்மது ஆஷிப் கடந்த மே 1 ந் தேதி வீட்டின் மாடியில் விளையாடிக்கொண்டிருந்தார். அப்போது வீட்டை ஒட்டி சென்றுகொண்டிருந்த மின் கம்பியில் இவரது இடது கை பட்டுள்ளது. இவரது உடலில் மின்சாரம் தாக்கி தூக்கி வீசப்பட்டார். இதில் இவரது வலது கை முற்றிலும் செயல் இழந்தது. மேலும் முதுகு, வயிறு, தொடை பகுதி முழுவதும் பலத்த காயங்களுடன் தஞ்சாவூர் மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டார். அங்கு மருத்துவர்களால் சிறுவனின் வலது கை முற்றிலும் அகற்றப்பட்டு 2 மாதங்கள் தொடர் தீவிர சிகிச்சை அளிக்கப்பட்டது.
மின்சாரம் தாக்கி பாதிப்புக்கு உள்ளான சிறுவன் குடும்பத்தினரின் ஏழ்மை நிலை குறித்து முத்துப்பேட்டை 'சமூக ஆர்வலர்' சுல்தான் இப்ராஹிம், சமூக வலைத்தளத்தில் பதிந்து இருந்தார். இதுகுறித்து தகவல் அறிந்த அதிராம்பட்டினம், மேலத்தெருவை சேர்ந்த முஹம்மது முகைதீன் மகன் அப்துல் மாலிக், சிறுவனின் மருத்துவ சிகிச்சைக்கு உதவ முன்வந்தார். தான் பணியாற்றி வரும் துபாய் நாட்டில் உள்ள பல நண்பர்களிடம் சிறுவனின் மருத்துவ சிகிச்சைக்கு நிதி திரட்டினார். இதில் அதிராம்பட்டினம், மேலத்தெரு பகுதியை சேர்ந்த நண்பர்கள் ரூ 65,100/- மருத்துவ நிதி வழங்கினார்கள்.
மருத்துவ நிதியை அதிராம்பட்டினம் மேலத்தெரு தாஜுல் இஸ்லாம் சங்கம் நிர்வாகிகளுக்கு அனுப்பி சிறுவனிடம் வழங்க கேட்டுக்கொண்டார். இதையடுத்து சங்கத் தலைவர் எம்.எம்.எஸ் சேக் நசுருதீன், துணைத் தலைவர் பி.எம்.கே தாஜுதீன், காதர் சுல்தான் ஆகியோர் மருத்துவ சிகிச்சை எடுத்துவரும் சிறுவனை இன்று மாலை நேரில் சந்தித்து ரூ 65,100/- நிதியை வழங்கினார்கள். மேலும் துயரில் வாடும் சிறுவனின் பெற்றோருக்கு ஆறுதல் கூறினார்கள். சிறுவன் விரைவில் பூரண நலம் பெற பிரார்த்தனை செய்தனர். அருகில் டாக்டர் இலியாஸ், சுல்தான் இப்ராஹீம், பாரி ஹாஜியார், அப்துல் மஜீது ஆகியோர் உடன் இருந்தனர். மருத்துவ உதவியை பெற்றுக்கொண்ட சிறுவனின் தாய் நிதி உதவி வழங்கிய அனைத்து நல்லுள்ளங்களுக்கும், நிதி திரட்டி அனுப்பிய அப்துல் மாலிக் மற்றும் அதிராம்பட்டினம் மேலத்தெரு தாஜுல் இஸ்லாம் சங்க நிர்வாகிகள் ஆகியோருக்கு நன்றி தெரிவித்துக்கொண்டார்.
தஞ்சாவூர் மாவட்டம், பட்டுக்கோட்டை, நேரு நகர், பூக்கொல்லையில் வசிப்பவர் ஷேக் அப்துல்லா. கஷாப் கடையில் ஊழியராக பணியாற்றி வருகிறார். இவருக்கு மகன்கள் முஹம்மது ரியாஸ் ( வயது 14 ), முஹம்மது ஆசிப் ( வயது 11 ), மகள் நபிலா ( வயது 6 ) உள்ளனர். இவர்கள் அனைவரும் பட்டுக்கோட்டை நகராட்சி நடுநிலைப்பள்ளியில் 9 ம், 6 ம், 1 ம் வகுப்பு பயின்று வருகிறார்கள். மிகவும் ஏழ்மையான நிலையில் வாடகை வீட்டில் தங்கிருந்து குடும்பம் நடத்தி வந்தார்.
இந்த நிலையில் முஹம்மது ஆஷிப் கடந்த மே 1 ந் தேதி வீட்டின் மாடியில் விளையாடிக்கொண்டிருந்தார். அப்போது வீட்டை ஒட்டி சென்றுகொண்டிருந்த மின் கம்பியில் இவரது இடது கை பட்டுள்ளது. இவரது உடலில் மின்சாரம் தாக்கி தூக்கி வீசப்பட்டார். இதில் இவரது வலது கை முற்றிலும் செயல் இழந்தது. மேலும் முதுகு, வயிறு, தொடை பகுதி முழுவதும் பலத்த காயங்களுடன் தஞ்சாவூர் மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டார். அங்கு மருத்துவர்களால் சிறுவனின் வலது கை முற்றிலும் அகற்றப்பட்டு 2 மாதங்கள் தொடர் தீவிர சிகிச்சை அளிக்கப்பட்டது.
மின்சாரம் தாக்கி பாதிப்புக்கு உள்ளான சிறுவன் குடும்பத்தினரின் ஏழ்மை நிலை குறித்து முத்துப்பேட்டை 'சமூக ஆர்வலர்' சுல்தான் இப்ராஹிம், சமூக வலைத்தளத்தில் பதிந்து இருந்தார். இதுகுறித்து தகவல் அறிந்த அதிராம்பட்டினம், மேலத்தெருவை சேர்ந்த முஹம்மது முகைதீன் மகன் அப்துல் மாலிக், சிறுவனின் மருத்துவ சிகிச்சைக்கு உதவ முன்வந்தார். தான் பணியாற்றி வரும் துபாய் நாட்டில் உள்ள பல நண்பர்களிடம் சிறுவனின் மருத்துவ சிகிச்சைக்கு நிதி திரட்டினார். இதில் அதிராம்பட்டினம், மேலத்தெரு பகுதியை சேர்ந்த நண்பர்கள் ரூ 65,100/- மருத்துவ நிதி வழங்கினார்கள்.
மருத்துவ நிதியை அதிராம்பட்டினம் மேலத்தெரு தாஜுல் இஸ்லாம் சங்கம் நிர்வாகிகளுக்கு அனுப்பி சிறுவனிடம் வழங்க கேட்டுக்கொண்டார். இதையடுத்து சங்கத் தலைவர் எம்.எம்.எஸ் சேக் நசுருதீன், துணைத் தலைவர் பி.எம்.கே தாஜுதீன், காதர் சுல்தான் ஆகியோர் மருத்துவ சிகிச்சை எடுத்துவரும் சிறுவனை இன்று மாலை நேரில் சந்தித்து ரூ 65,100/- நிதியை வழங்கினார்கள். மேலும் துயரில் வாடும் சிறுவனின் பெற்றோருக்கு ஆறுதல் கூறினார்கள். சிறுவன் விரைவில் பூரண நலம் பெற பிரார்த்தனை செய்தனர். அருகில் டாக்டர் இலியாஸ், சுல்தான் இப்ராஹீம், பாரி ஹாஜியார், அப்துல் மஜீது ஆகியோர் உடன் இருந்தனர். மருத்துவ உதவியை பெற்றுக்கொண்ட சிறுவனின் தாய் நிதி உதவி வழங்கிய அனைத்து நல்லுள்ளங்களுக்கும், நிதி திரட்டி அனுப்பிய அப்துல் மாலிக் மற்றும் அதிராம்பட்டினம் மேலத்தெரு தாஜுல் இஸ்லாம் சங்க நிர்வாகிகள் ஆகியோருக்கு நன்றி தெரிவித்துக்கொண்டார்.
Loading....
No comments:
Post a Comment