ஸ்மிருதி இரானி, தனது கல்வி தகுதி குறித்து பொய் தகவல் அளித்திருப்பதாக அவர் மீதான குற்றம் நிரூபிக்கப்பட்டால் 6 மாத சிறை தண்டனை கிடைக்கும் என்று தகவல்கள் வெளியாகியுள்ளன.
நரேந்திர மோடி தலைமையிலான மத்திய அரசில், ஸ்மிருதி இரானி மத்திய மனிதவள மேம்பாட்டு துறை கேபினட் அமைச்சராக நியமிக்கப்பட்டுள்ளார்.
இவர் கடந்த 2004ம் ஆண்டு டெல்லியில் சாந்தினி சவுக் மக்களவை தேர்தலில் காங்கிரஸ் வேட்பாளர் கபில் சிபலை எதிர்த்து போட்டியிட்டு தோல்வியை தழுவினார்.
அப்போது தாக்கல் செய்த வேட்பு மனுவில், அஞ்சல் வழியில் பிஏ படித்திருப்பதாக தெரிவித்திருந்தார்.
பின்னர், கடந்த 2011ம் ஆண்டு குஜராத் மாநிலத்தில் இருந்து மாநிலங்களவை எம்பியாக தேர்ந்தெடுக்கப்பட்டார். அப்போது தாக்கல் செய்த பிரமாண பத்திரத்தில் பி.காம் படித்திருப்பதாக கூறியிருந்தார்.
இந்நிலையில், கடைசியாக 2014 மக்களவை தேர்தலில் உத்திர பிரதேச மாநிலம் அமேதியில் காங்கிரஸ் துணை தலைவர் ராகுல் காந்திக்கு எதிராக போட்டியிட்டு தோல்வியை சந்தித்தார்.
இந்த முறையும் அஞ்சல் வழியில் பி.காம் முதல் பார்ட் முடித்திருப்பதாக கூறியிருந்தார்.
பன்னிரெண்டாம் வகுப்பு படித்தவர் கல்வி அமைச்சரா என்று காங்கிரசை சேர்ந்த அஜய் மக்கான் கேள்வி எழுப்பியதை தொடர்ந்து இந்த விவரங்கள் வெளிவந்தன.
இதற்கிடையில் டெல்லி பல்கலைகழகத்தில் எந்த பட்டத்தையும் அவர் பெறவில்லை என்பதையும் அதற்கு ஆதாரமான சான்றிதழ்களையும் அங்கு பணிபுரிந்த 5 ஊழியர்கள் பத்திரிகை ஒன்றுக்கு அளித்தனர்.
இதை தொடர்ந்து அந்த 5 பேரையும் டெல்லி பல்கலைகழக நிர்வாகம் இடைநீக்கம் செய்தது.
பின்னர், அவர்களது இடைநீக்க உத்தரவை ரத்து செய்ய வேண்டும் என ஸ்மிருதி இரானி கேட்டுக் கொண்டார்.
மேலும், தனது கல்வி தகுதி குறித்து கருத்து தெரிவிக்க மறுத்த இரானி, தனது செயல்பாடுகளை பார்த்து தனது திறமையை மதிப்பிட வேண்டும் என கேட்டுக் கொண்டார்.
இந்நிலையில் வேட்பு மனுவில் பொய் தகவல் அளித்த இரானி மீது வழக்கு தொடர்ந்து குற்றச்சாட்டுகள் நிரூபிக்கப்பட்டால், 6 மாத சிறை தண்டனை கிடைக்கும் என சட்ட வல்லுநர்கள் கருத்து தெரிவித்துள்ளனர். கண்டிப்பாக இவர்களை போன்றவர்களுக்கு சட்டம் பாரபட்சமாக தான் நடக்கும் என்பது இந்திய மக்கள் அறிவார்கள்
No comments:
Post a Comment