அதிரை மற்றும் சுற்றுவட்டார பகுதிகளில் டெங்கு காய்ச்சலால் பலர் பாதிக்கப்பட்டுள்ளனர். காய்ச்சலில் பாதிக்கபட்டவர்கள் தனியார் மருத்துவமனை மற்றும் அரசு மருத்துவமனையில் சேர்க்கப்பட்டுள்ளனர். இதனால் உயிரிழிப்புகளும் ஏற்பட்டு வருகிறது. இது அதிராம்பட்டினம் பகுதியில் பொதுமக்களிடையே கடும் அச்சத்தை ஏற்படுத்தி உள்ளது.
இதனை கட்டுப்படுத்தும் வகையில் அதிரை TIYA சார்பாக இரண்டு முறை நிலவேம்பு கசாயம் மற்றும் மூன்று முறை மருத்துவ முகாம் நடத்தப்பட்டது. அதனை அடுத்து வரும் வெள்ளிக்கிழமை காலை 6 மணிக்கு 3வது கட்டமாக நிலவேம்பு கசாயம் வழங்கும் முகாம் மேலத்தெரு தாஜுல் இஸ்லாம் சங்க வளாகத்தில் நடைபெறவுள்ளது.
இதை தொடர்ந்து வெள்ளிக்கிழமை மாலை 4 மணிக்கு டெங்கு ஒழிப்பை வலியுறுத்தி தாஜுல் இஸ்லாம் சங்கத்திலிருந்து பைக் பேரணி நடத்தப்படவுள்ளது. இதில் அனைத்து இளைஞர்களும் தவறாது வந்து கலந்து கொள்ளுமாறு அன்போடு கேட்டுகொள்ளப்படுகிறது.
Loading....
No comments:
Post a Comment